Бұл кітап ұлтты сүю сезімін оятады. Талқылау: Қазақ елін көркейту үшін жастардың бойында қандай қабілет, сезім болуға тиіс?

"Ұлттың оянуы" кітабына қатысты сұрақтар
1) Петровтың ойынша, елді қандай жолдармен көркейтуге болады?
2) Елдің ойын, жағдайын өзгертудің алғашқы кілті неден басталуы керек?
3) Снеллман футболшыларға, әскерилерге, мемлекеттік қызметкерлерге қандай үгіт жүргізді?
4) Бұл кітап – бір тәжірибенің жүзеге нәтижелі асқанын көрсетеді. Янғи, жұмыс істейтін модель. Осыны біз елімізге қалай қолданамыз?

Бұл кітап жақсы әдет қалыптастыру, жаман әдеттен арылуды үйретеді. Талқылау: Қай әдетті қалыптастыру ең маңызды? Қай жаман әдеттен бірінші арылу қажет?

«Әдет күші» кітабынан сұрақтар:
1) Әдеттің циклы қандай?
2) Не үшін ауру қалса да, әдет қалмайды?
3) Жақсы әдет қалыптастыру үшін қандай амалдар жасау керек?
4) Жаман әдеттен арылу үшін қандай қадамдар жасау керек?
5) Қандай әдетті қалыптастыруға кірістің?
6) Қандай әдеттен арылуға кірістің?
7) Әдет қалыптастыруда, жаман әдеттен арылуда көпшілік қандай қателікке ұрынады?
8) Nudge, яғни итермелеу заңдылығы туралы не білесің?
9) 3 секундтық әдетті білесің бе?
10) Бір әдеттің қалыптасуына қанша уақыт қажет?

Бұл кітап ата-ананың қадірін түсінуге, айналада біз мән бермейтін жетімдердің шынайы күйін білуге, мейірімді оятуға үйретеді. Талқылау: Қай оқиға өміріңізге қалай әсер етті? Осы кітап қандай әрекет жасауға итермеледі?

"Тастамашы, ана" кітабынан сұрақтар:
1) Қай оқиға қатты әсер етті?
2) Айгиз - қазір Башқұртстанның депутаты, Жазушылар Одағының Төрағасы. Алған бетінен қайтпай, жетістікке жеткен тағы қандай адамдарды білесің?
3) Отбасы болғаныңда жетім баланы асырап алар ма едің?
4) Айгизбен кездессең, не айтар едің?
5) Бүгін анаңа хабарласып, жақсы көретініңді айттың ба?

Бұл кітап қаржыны сақтауды, көбейтуді, дұрыс жұмсауды үйретеді. Қаржылық тәуелсіздікке апарады.

"Қаржы қағидалары" кітабын талдауға көмектесетін сұрақтар тізімі:
1. Сіздің қазіргі қаржылық образыңыз қандай?
2. Жоқ ақшаны жаратып көріңіз: сізге ай сайын нақты қанша ақша керек және оны қалай қайда жұмсайсыз?
3. Қарызға батқан туысыңыз, танысыңыз бар ма? Оған ақша бермей, нақты қалай көмектесе аласыз?
4. Сіздің өз қаржы қағидаларыңыз бар ма? Болса, айтып беріңіз.
5. "Қаржылық еркіндік" дегенді қалай түсінесіз? Оған жетуді қатты қалайсыз ба? Қатты қаламасаңыз, қатты қалау үшін не істеуіңіз керек?

Бұл кітап өзін-өзі дамытуға күшті шабыт береді. Алған беттен қайтпай, табандылық танытуға көмектеседі.

«Мартин Иден» кітабын талқылауға арналған сұрақтар:
1) Кітаптан қандай ой түйдің? Кітап неге үйретеді?
2) Мартиннің соңғы шешімі несімен ұнады немесе несімен ұнамады?
3) Мартиннің орнында болсаң, ары қарай өмірің қалай өрбір еді?
4) Мартин мақсат қоюда қандай қателік жіберді деп ойлайсың?
5) Мартиннің өзін дамыту әдісін қазір қолдануға бола ма? Әлде одан да жақсы даму жолдары бар ма?
6) Мартин Иден синдромы деген не?

Бұл кітап өзіңізге және өміріңізге зейін қойып орасан зор нәтижеге қол жеткізу жолын көрсетеді. Өміріңізді артық, автоматты әрекеттерден ада қылады.
"Фокус" кітабын талдауға көмектесетін сұрақтар тізімі:
1. Зейін деген не және ол не үшін қажет?
2. Зейін қоюдың физикалық және рухани алғышарттары қандай?
3. Өміріңізді өзгерту үшін күні ертең қандай әрекет бастар едіңіз?
4. Өміріңізді жақсарту үшін күні ертең нендей нәрседен тыйылар едіңіз?
5. Мақсатты қалай қоямыз?
6. Адамның дүниетанымы оның өміріне қалай ықпал етеді?
7. Мамандық/ нишаны қалай таңдаған абзал?
8. Таланттыңды таны бөлімінен не ұқтыңыз?

Бұл кітап жазушы Шерхан Мұртаза ағамыздың өмірін баяндайды. Кез келген қиындыққа қарамастан адам боп қалу, әйелдің, ананың қайсарлығын баяндайды.

Талқылау сұрақтары:
1. Роман неліктен Ай мен Айша аталған? Ай мен Айшаның арасында қандай байланыс бар?
2. Шығарма соңында Айша не үшін елден безді?
3. Шерханның Шерхан боп қалыптасуында анасының қандай рөлі бар? Егер әкесі Мұртаза ұсталмағанда Шерхан бала үлкен жазушы болар ма еді?
4. Романнан не түйдің? Шаңның тозаңындай жақсылықтың қайтарымы бар, титтей жамандықтың жазасы бар дегенді қалай түсінесің?
5. Айша Барсханды бірнәрсе бүлдірген кезінде ұрып тәрбиелейді. «Баланы жазасыз тәрбиеле» кітабының авторы Елжас Ертайұлы сол заманда өмір сүрсе, осыған не айтар еді?

Бұл кітап өмір сүруге құлшынысыңды арттырады. Кітапта жүзден аса оқиғалар берілген. Талқылау: Кітаптан қандай инсайттар алдың? Ойыңды өзгерткен қандай оқиға немесе құбылыс?

Талқылау сұрақтары:
1. Осы кітапты оқып, өміріңе енгізген ең бірінші әдіс қайсысы?
2. Таныстарыңның арасынан өмірін 180 градусқа өзгерткен кімдердің оқиғасын білесің?
3. Қателесуден қорқуды қалай жеңуге болады?
4. Ештеңе істегің келмей тұрса, не істеу керек сенің ойыңша?
5. «Бір қауым өздерін өзгертпейінше, Жаратушы олардың жағдайын өзгертпейді» деген сөзді қалай түсінесің? Мысал бер.

Бұл кітап ананың баласын шектен тыс өбектеп, махаббатын көрсетуінен туындайтын проблемалар туралы.
Талқылау сұрақтары:

1. Кіндігі үзілмеген бала туралы не білесің?
2. Ананың қандай махаббаты, әрекеттері балаға зиян әкеледі?
3. Анасының шектен тыс махаббатынан зиян шеккен үлкен бала енді не істеуі қажет?
4. Ананың махаббаты күйеуіне, баласына қалай бөлінуі керек? Қандай көлемде пайдалы болмақ?
5. Өзің ата-ана болғанда балаға қандай қарым-қатынас жасайсың?

Бұл кітап қаһармандыққа, батыр болуға итермелейді.

«Волоколамск тас жолы» кітабын талқылауға арналған сұрақтар:
1) Жазушы А.Бек пен қолбасшы Бауыржанның арасында қандай келісім болды?
2) Кітапты оқығанда бойыңда қандай қасиеттер пайда болғанын сездің?
3) Кітапты оқығаннан кейін өзгерген ойларың бар ма?
4) Бауыржанның өзі жазған қандай кітаптарын оқыдың? Немесе ол кісі туралы қандай аңыз әңгімелерді білесің?
5) Кітапты оқыған адам неден ұтты? Оқымаған адам неден ұтылды?

Бұл кітап көшбасшы болуға, лидердің қасиеттерін бойға сіңіруге үгіттейді. Талқылау:
- Тоётоми қалайша өзінің кедейлік жағдайынан шығып, лидерлікке жетті?
- Кітапта көрсетілген 9 лидерлік құпия қандай және олар қалай көмектеседі?
- Тоётоми кедейлікті қалай өзінің артықшылығына айналдырды?
- Неліктен басшы ретінде алғыс білдіру маңызды? Сіз өз жұмысыңызда бұл принципті қалай қолдана аласыз?
- Қандай жағдайларда өмірлік қиындықтардан сабақ алуға болады? Кітапта бұл туралы қандай мысалдар келтірілген?
- Неліктен қиын жағдайларда батыл әрекет ету маңызды? Бұған кітаптан мысал келтіріңіз.
- Лидер мен бастықтың айырмашылығы неде? Бұл айырмашылықтың маңызы қандай?
- Тоётоми өзінің қулығы арқылы қалай жауларын жеңді? Бұл әдісті өмірде қалай қолдануға болады?
- Сіздің өміріңізде қандай кемшіліктерді артықшылыққа айналдыруға болады? Кітапта бұл туралы қандай мысал келтірілген?
- Неліктен жұмсақтық лидер үшін маңызды? Кітапта бұл қалай көрсетілген?
- Қызметкерлерді таңдау мен дамытуда қандай әдістер қолданылуы мүмкін? Кітаптағы ұсынылған әдістердің қандай артықшылықтары бар?

Бұл кітап байлықтың құпиясын ашып, дәулетті болуға үндейді. Талқылау:
- Кітапта байлық жинаудың қандай негізгі қағидалары сипатталған? Сіз оларды өз өміріңізде қалай қолдана аласыз?
- Аркадтың байлыққа жету жолындағы ең маңызды оқиғалары қандай? Олар сізге қандай сабақ береді?
- "Алдымен өзіңе төле" деген қағида нені білдіреді және ол қаржылық тұрақтылыққа қалай көмектеседі?
- Кітапта ақшаны басқару және инвестициялау бойынша қандай кеңестер берілген? Бұл кеңестер қазіргі заманда қаншалықты маңызды?
- Қаржылық білімнің маңыздылығы туралы кітапта не айтылған? Өз қаржылық біліміңізді қалай жетілдіре аласыз?